川云追粤（下篇）

川雲追粵

著

四川人学粤语下篇

      常言道人為財死，鳥為食亡，就即係話有啲人為咗錢，可以連條命都唔要嘅，噉究竟係錢重要，抑或係人命重要呢？對於呢個問題，可能唔同嘅人，會有唔同嘅選擇。就好似接落嚟依個聊齋故事噉樣，嗰個和尚，為咗啲銀兩可以連條命都唔要嘅，但連條命都無冇埋喇，噉留返啲銀兩嚟又有乜嘢用呢？

      話說一個道士四周圍遊歷，一日行到前不著村，后不挨店嘅地方，但天色呢，就已經好黑喇。佢四圍望下，睇下有咩地方可以投宿啦。見到遠遠嘅，荒郊嗰度有一座寺廟隱約就有啲燈光嘅，雖然話佛道有別，但係到到呢個時候都無咩辦法啦。佢三步併埋兩步，行到個寺院門口嗰度，大嗌咗一聲“喂，有冇人喺入面呀？貧道想借宿一宵啊！”

      但好奇怪喎！寺廟入面明明係灯光通明㗎，但就無人應佢，佢唯有行入寺廟度想睇吓啲和尚係咪已經休息咗啦。佢行到啲和尚住嘅地方，見到有個僧舍。僧舍嘅房門，關到冚一冚。佢敲咗幾下門。“ 有無人啊！贫道雲遊到此，想話借宿一宵呀。”但係就無人應佢，佢又用力擁咗吓度門。但係棟門呢，就從入面戌實咗嘅。無辦法啦，依家咁行出去又唔係，就唯有死死地氣喺個包袱度扐個莆團出嚟，放喺個走廊度諗住盤膝入定，捱一晚通宵喺呢。

      轉眼間就到咗半夜三更，四周圍就好安靜，打緊座嗰個道士忽然間聽到“㖡㖡”咁嘅聲喎。佢再聽真啲，原來係開門同埋關門嗰啲聲，佢跟住啲聲嘅方向望過去，“哇”呢一望不得了呀！只見一個上身血淋淋的和尚，喺嗰僧舍嗰度行出嚟，一步一步一步，噉向個道士行咗過嚟。個道士嚇到逳都唔敢逳，心入面喺度默念“無量天尊無量天尊無量天尊。 嘿，但係奇怪喎，觀和尚好似見唔到個道士噉樣，直不甩就行咗過去，個道士見係噉，哎呀，都唔理三七二十一，你睇我唔到，我就當睇你唔到係呢。當個和尚經過道士身邊嗰陣，個道士都忍唔住打咗個冷震，個和尚一路向前行，道士又忍唔住擰轉頭，想話睇下個和尚

粤语古仔

死 僧

行去邊度？只見佢直不甩咁樣行去大雄寶殿，一路行到去阿彌陀佛像前面，居然手腳並用噉樣爬咗上去啵！一路爬一路爬就爬到佛像頭頂嗰度。然之後攬住佛像個頭，好似着咗魔噉樣，“𠸏𠸏𠸏”噉大笑咗一餐，好耐先至離開。講返個道士呢邊，佢見到和尚鬼攬住個佛像頭，喺度係噉笑，佢又驚又好奇，又唔敢行埋去睇啵。

      好唔容易捱到天曚光，佢先至敢再望向緊僧舍嗰度，見到棟門關得好哋哋嘅，佢更感到出奇呢！於是佢行出咗寺廟搵到條村，話畀啲村民知佢琴晚見到嘅事。

      於是啲村民就一齊來到寺院嗰度撞開僧舍棟門，睇吓發生咩事。一撞開道門，就見到一個和尚血淋淋噉樣瞓響地下度，探探佢鼻息，已經死咗好耐㗎喇！再睇吓間屋入面，發覺呢啲蓆呀，槓嗰啲，全部都俾人耖到亂晒嘅，大家就知道一定係俾啲賊搶劫喇。但個和尚嘅鬼魂琴晚仲係“𠸏𠸏”聲噉笑，噉究竟係因爲咩解救先得㗎。其中有個大膽嘅村民爬咗上佛像上邊。喺個佛頭度睇咗好耐，哦，見到佛像頭後邊有條好細嘅痕，就搵人搵刀嚟撬開佢睇吓咩呢。一撬開哇，𥊼晒眼。原來入面收埋咗卅幾兩銀。於是大家就用呢啲錢將個和尚埋葬咗喇。

      異史姓時話，有句諺語話財富同命相連。無錯啊，人醉心聚斂財富諗住從中獲得利益嘅。但係最終呢就唔知留咗畀啲乜嘢人。咁樣啊，就已經算係好痴迷㗎喇。何況呢個和尚都唔知道對方係咩人，但係就寧死都唔肯畀啲錢人哋喎，在生嗰陣唔肯用啲錢嚟享福，死咗咯又望住啲錢嚟笑。守財奴守到噉樣，真係令人感歎。佛家有云“一文將不離開，只有孽隨身”，講嘅，就係呢個和尚喇。

原文：醉里挑灯看剑，梦回吹角连营。八百里分麾下炙，五十弦翻塞外声，沙场秋点兵。

马作的卢飞快，弓如霹雳弦惊。了却君王天下事，赢得生前身后名。可怜白发生！

粤语rap（说唱）版

今晚发癫饮醉酒，攞出把刀嚟睇想劈友。谂下当年我哋好多“字头”，一齐饮酒一齐劈友，呢点先喺人强马壮齐晒友。冧友最主要喺跑得快，架餐也要使啱手。唸住打返个地盘俾大家，照吓块镜我先知很鬼羞。

      舊時碰到唔知點解嘅怪事，唯有講鬼講怪，等人敬而遠之，以免身受其苦。當然亦有唔信邪嘅，凡事都打爛沙盆問到𡱰。所以，今日講呢個古仔之前，再老土都要講返句：“本故事主角受長期專業訓練，聽眾切勿隨意模仿。”

      明朝嗰時，有個將軍叫彭宏，佢帶住軍隊入四川捉流寇。行到一處深山，發現有座好大嘅寺廟，聽講一直都冇和尚喺裡面住，吉咗百幾年。問啲本地人，佢哋話：“寺裡面有妖怪，人入親去就實死。”彭宏驚班賊佬匿埋喺寺裡面，於是帶埋啲兵丁，斬開荊棘簕草，行入間寺裡面。嚟到前殿，一隻黑色嘅大雕突然喺門裡面飛出嚟，然後飛走咗；行入中殿，又唔覺得有咩唔妥；又向前行，去到佛閣，都系揾唔到咩嘢，不過凡係入嚟啲人，個個都頭殼赤痛；彭宏自己都係咁。過咗一陣，一隻琵琶咁大嘅蠍子喺屋頂慢慢噉爬落嚟，班兵丁嚇到呵一聲走晒。彭宏於是就叫人放火燒咗間寺廟。 

巨  蠍

      我哋會鬧個啲做乜都唔成嘅人:”冇鬼用“。聽完呢個故事，我發覺啲鬼做嘢又真係幾公道，善惡報應唔會有半點差遲，實在係幾有用，做人嘅都要調返轉頭跟佢哋學嘢。噉下次話人哋嗰時，究竟係話人哋”冇鬼用“，定係”冇人用“呢？

      蘇州有個書生叫做黃英。呢日佢去杭州探個老友。佢老友姓李，係杭州城嘅富商。黃英個人好有才華，衰在屋企窮，成日五行欠銀。嗰位富商老友見到黃英，當然盛情招呼，仲叫黃英住喺自己屋企。

      有晚，黃英瞓唔着，就行咗去花園散步。佢睇到花園入面有間好舊嘅屋，屋門口有兩個人影，好似喺度講緊嘢。黃英心逳逳想知佢哋講咩，於是乎行咗埋去。      

陸  判

佢聽到其中一個人話：「呢隻嘢心腸好陰毒，今勻唔可以放過佢。」另一個又話：「佢點衰都好，都要按規矩辦事。」黃英聽到呢度，就更加覺得奇怪，佢好想知呢兩個人到底係乜嘢人，究竟講緊乜嘢事。

黃英又行近咗啲，今勻終於睇得清楚啦，原來呢兩個唔係人，係兩隻鬼。其中一隻鬼牛高馬大，另一隻就肥肥矮矮。高大嗰隻鬼就話啦：「今勻我做審判官，唔會心軟嘎。」又肥又矮嗰隻鬼頜頭話：「呢次你話曬事。」

黃英聽到，嚇到走都走唔切，佢一逳，嗰兩隻鬼就發覺咗佢。神高神大嗰隻鬼就話：「有人偷聽我哋講嘢！」嗰隻又肥又矮嘅鬼捉住黃英嚟問：「你係邊個？嚟呢度做乜嘢？」

黃英嚇到面青口唇白，不過佢都扮到若無其事咁話：「我係個書生，啱好行過，聽到你哋講嘢覺得奇怪，所以埋嚟睇下。」神高神大嗰隻鬼就話：「呢度唔係你嚟嘅地方，不過你都嚟咗咯，噉就幫我哋做返啲嘢啦。」

原來，神高神大嗰隻鬼係陸判官，專門負責審啲鬼魂嘅。嗰隻又肥又矮嘅鬼係佢嘅跟班。陸判官就同黃英講：「我哋要審案，不過要揾一個人幫手做監審，你既然嚟咗，就你幫我哋做啦。」

黃英無計，唔應承都唔得。陸判官帶住黃英入咗間屋，入面有一張大檯，檯面放咗好多文書。陸判官坐定之後，就開始審案。

首先，陸判官傳咗一個鬼魂上嚟，呢隻鬼成身都係血，肯定係死得好慘。陸判官問：「你係點樣死嘅？」隻鬼喊住噉話：「我係畀人陷害，死得冤枉啊。」陸判官就問佢：「你有咩證據啊？」隻鬼遞上一份狀紙，上面將佢係點畀人陷害嘅都寫得清清楚楚。黃英睇完張狀紙，都覺得呢隻鬼真係冤枉。

陸判官拍下張檯，就話：「呢單案要查清楚先得，唔可以冤枉咗呢隻好鬼。」嗰隻又肥又矮嘅鬼就去查證，搞咗一咗輪，發覺呢隻鬼真係冤枉嘅。陸判就話：「既然噉，就要畀返個公道佢。」之後，陸判官就喺份文書上面寫咗判文，放咗隻鬼。

跟住，又有帶咗幾隻鬼魂上嚟，陸判官一一審完，黃英喺到做監審，佢發覺呢位陸判官真係好公正，好官嚟嘅，從來都唔會冤枉啲鬼。

拉尾，又有帶咗隻鬼魂上嚟，陸判官一見到就好嬲噉話：「你呢嗰正式係害人嘅惡鬼！」黃英一

  睇，呢隻鬼應該就係當初黃英喺花園聽返嚟嗰隻。陸判官話：「你害咗咁多人，今日有報應啦！」嗰隻鬼一味求陸判官放過佢，陸判官理都唔理佢，判咗隻鬼入地獄。黃英睇完陸判官審案，心裡面感慨萬千。陸判官就話：「你睇過我哋審案，明白咩係公道啦，你做人都要公正。」黃英不停頜頭應承，心入面系到諗，自己以後都要做個公正嘅人。

      黃英返到人間，之後佢重成咗出名公正，為民請命，受人尊敬嘅好官。而陸判官同埋嗰隻矮矮肥肥嘅鬼，就繼續喺陰間秉公審案。

其實，唔論喺陰間定係陽間，最緊要系要公正。做人公道，唔單止可以受人尊敬，仲可以畀自己有個清白嘅良心。

      喺宜家呢个社會，考公務員算得上係好多後生仔女追逐嘅夢想，改變人生嘅重要途徑。年年都有成幾萬人去考公務員，真係爭崩頭？聽講甚至乎有啲後生仔女啊，仲以呢樣嘢，作為嫁娶嘅條件添。

      由此可見，考得上公務員嘅話，就真係好威㗎。其實舊時科舉呢，都係咁多人考㗎啦。考公務員同埋科舉嘅故仔呢，大家就聽得多啦，唔知大家有冇聽講過。其實唔單止係我哋人間係通過考試去揾啲叻人出嚟，甚至連係仙界幫手保佑我哋城市嘅城隍爺，都係經過考試揀出嚟㗎。今日，我就嚟同大家講個故仔，叫做考城隍。

      嗱，話說蒲松齡佢姐夫嘅祖上啊，係一介書生叫做宋焘，因為佢讀書叻，考秀才嘅時候成績十分好，所以雖然話未中舉，但係都可以享受到官府每月發嘅銀兩津貼，畀佢作為家用㗎喎，而喺古代，呢種人就叫做廪（凛）生啦。

      話說有一日，宋公唔多舒服，瞓咗喺張床度，正當佢瞓到迷迷糊糊嘅時候，見到有個小吏攞住張帖子，拉住一隻頭頂有執白毛嘅馬嚟搵佢，話請佢去考試。宋生覺得好奇怪，就問咗：「考官都未嚟到，

考 城 隍

咁快就考試？」嗰個小吏冇答佢，只係催佢快啲起程。宋公冇計啦，就唯有爬起身，帶住病騎上馬跟嗰個小吏行啦。

      一路行去，發覺周圍嘅環境都好生疏，唔似係去考場嘅路，好快。佢哋就嚟到咗一座，睇起嚟好似王城咁樣嘅城池。宋公跟住小吏行咗陣，入咗一個王府，只見王府入面嘅宮殿富麗堂皇。喺正面嘅大殿，坐咗十幾個官員打扮嘅人喺度，宋公都唔知佢哋究竟係咩人，只認得其中一個好似係關帝。喺殿外嘅瓦簷下，擺咗兩張枱同兩個墩，枱上擺好咗筆同紙。有個秀才早就坐咗喺其中一張枱前，宋公就過去同呢個人並排坐低。

      冇幾耐，試題發落嚟，只見上面寫有八個字：「一人二人，有心無心。」佢哋兩個好快就寫好文章，交咗上去。而宋公嘅文章入面就有咁樣一句：「有心為善，雖善不賞；無心為惡，雖惡不罰。」台上嘅官員相互傳遞批閱完之後，都話好嘢。於是就傳宋公上殿，同佢講道：「河南仲差個城隍神，你去做就啱啦。」宋公聽到之後，先知到係咩回事，於是馬上跪低，一邊叩頭一邊喊住咁講：「承蒙大神錯愛，叫晚生去做城隍，晚生不敢推辭。只不過家中尚有老母，如今七十幾歲，無人服侍，請求大神准我返去服侍老母，等家母百年之後，再去上任。」只見坐喺正面嗰個，睇落似皇帝咁款嘅人就命人攞宋公阿媽嘅壽命簿嚟睇下。有個成面鬚嘅官吏就捧住本簿睇咗一輪，然後就禀告話：「重有陽壽九年。」就喺眾位神仙都唔知點算好嘅時候。關帝就開口話：「不如叫張生去做九年先！」然後又轉頭同宋公講道：「本來係叫你即刻去上任嘅，不過見你咁有孝心，就畀九年假你，到時再叫你嚟。」跟住關帝又讚咗秀才幾句，兩個考生先至叩頭退下。

      嗰個秀才拖住宋公嘅手，一路送到郊外，佢話自己係長山縣人，姓張。喺臨走嘅時候仲作咗首詩畀宋公添。不過成首詩係點樣嘅就唔多記得啦，淨係記得其中有句係：「有花有酒春常在，無燭無燈夜自明。」等到宋公道別張秀才返到屋企，佢就好似發咗場夢咁醒返。原來啊，佢已經死咗三日啦。佢阿媽聽見棺材入面有聲，就打開副棺材，見佢醒返，不由大喜過望，馬上扶佢翻出嚟，宋公出嚟之後，呆咗大半日先至開到口講嘢。後嚟佢去長山縣打聽，先知道原來真係有個姓張嘅秀才喺嗰日死咗。

      扬州副总兵梁公辞官返乡下，日日带埋围棋同酒，係林木丘石间游乐。

      揚州副總兵梁公辭官返鄉下，日日帶埋圍棋同酒，喺林木丘石間遊樂。嗰日正值九初九日重陽登高同班老友捉棋。突然間有個人行埋嚟，喺棋局旁行來行去，專心玩賞，唔肯行開。梁公一睇，呢個人面貌寒酸，爛身爛世，但係態度溫文爾雅，有文士嘅風度。梁公以禮相邀，佢先肯坐低，不過都係非常謙遜。梁公指住棋話：“先生一定精于此道，不如同呢位朋友捉返一盤？”書生謙遜推辭咗好耐，先開始對局。第一局捉完，書生輸咗，好𢛴憎，好似控制唔到自己。再開局落子又輸，書生更加覺得冇臉。斟酒畀佢，佢都唔飲，淨係拉住個位朋友捉棋。從朝到黑，連小解都唔去。

      當為咗一子爭路，兩人嘈起上嚟，書生忽然間離開個位好驚噉企咗起身，神色淒涼又冇澌心機。過咗一下，佢向梁公屈膝跪低，叩頭出血，乞求相救。梁公唔知咩事一時六神無主，起身去扶書生話：“捉棋本係遊戲，何至於如此？”書生話：“請交帶你嘅馬夫，唔好綁我條頸。”梁公莫名其妙，問佢：“邊個係馬夫？”書生話：“馬成。”此前，梁公嘅馬夫馬成能走無常，每隔十日八日就到陰間一次，充當勾魂使者。梁公見書生講得咁離奇，就叫人去睇馬成，呢時馬成僵臥喺床已經兩日。梁公於是就叫馬成不得無禮。轉眼間，書生就喺原地唔見咗。梁公感歎良久，先至明白書生係只鬼。

      過咗一日，馬成醒返，梁公叫佢嚟盤問情由。馬成話：“書生係湖北襄陽人，嗜棋成癖，搞到家空物淨。

碁 鬼

      九年之後，宋公嘅母親百年歸老，等到辦完白事，佢就沖咗個涼，著返件新衫，然後入屋就死咗啦。佢外父嘅屋企，喺城嘅西門入面。有日，突然見到宋公騎住紅纓大馬，帶住好多車馬，去同佢道別。成家人都好愕然，唔知道宋公已經做咗神仙。拿拿臨趕去宋公屋企，一問先知原來宋公死咗。

      當時宋公自己都寫咗個小傳，不過由於歷年兵荒馬亂所以冇流傳落嚟。呢度所記低嘅，都係大概聽返嚟嘅啫。

佢老豆為此好贔屭，將佢關喺書齋裡面，佢就成日翻牆而去，帶棋友去清靜無人嘅地方，一齊捉棋。父親聞訊破口大駡，但始終都冇佢符。佢阿爸又激氣又唔知點好，卒之畀佢激到瓜老襯。閻王因書生無德，減咗佢嘅壽命，罰他入餓鬼地獄，宜家已經七年啦。撞啱東嶽鳳樓起好，文書下達各府，徵集文人撰寫碑記。閻王將書生從地獄放出來，叫佢應召撰文，幫自己贖罪。點知佢中途迤延時間，誤咗限期。東嶽大帝派值日官員揾閻王詐形，閻王好獳，叫我地班人去捉佢返去。之前收到您嘅命令，所以我唔敢揾繩綁佢。”梁公問：“書生今日點樣？”馬成話：“都係要交返畀地獄官吏，以後都唔使指意再喺陽間咯。”梁公話：“癖好竟然如此誤人！”

      異史氏話：見到棋就死都唔知道，等到死咗見到棋又唔記得咗生，唔通佢鐘意嘅野比條命重重要？不過鐘意到噉嘅程度，都係無步高著，就算九泉之下有一個長死不生嘅棋鬼，又有咩用？真係淒涼！

原文：

关关雎鸠，在河之洲。窈窕淑女，君子好逑。

参差荇菜，左右流之。窈窕淑女，寤寐求之。

求之不得，寤寐思服。悠哉悠哉，辗转反侧。

参差荇菜，左右采之。窈窕淑女，琴瑟友之。

参差荇菜，左右芼之。窈窕淑女，钟鼓乐

之。

粤语翻译搞笑五言俗版：

睢鸠咕咕叫，棲身河中洲。

阿妹确喺正，做哥好伴偶。

水荷随浪流，行船就会有。

阿妹确喺正，日夜都想求。

求又求唔到，相思添烦扰。

水荷随浪流，行船就会有。

阿妹确喺正，琴声作引诱。

水荷随浪流，行船再没有。

阿妹确喺正，氹佢无烦扰。

粤语《诗经》关睢

我係一個好容易畀文字感染嘅人。

遊玩嘅中途，嗰位平日對我棋藝關愛有加嘅老師，又講起咗圍棋……。

秀榮嘅棋沉靜，就好似深山裡嘅碧潭，除咗間中有陽光透過樹枝嘅嚹隙照射入嚟外，從來都喺靜寂中安眠。不過一旦有塊石頭跌落去，即刻就會湧起波瀾，發出震響。凡係見過秀榮捉落棋嘅人都會感覺到嗰種無限嘅待發力，嗰種潛在嘅力量。

上禮拜三，我同一班密友喺西關玩咗一日，西來初地，上下九、永慶坊，仲食埋順記椰子、陳添記魚皮……。我哋踏住西關嘅月光，一路往東，行入越秀南熟悉嘅小巷，嚟到我哋常聚嘅小棋室，渡過開心嘅下半夜。

我一直記住嗰位老師講嘅一字一句，於是我就搵咗一份秀榮的棋譜擺起來。

對於黑9嘅飛壓，白放棄一子，而喺左邊拆二，又搶到白14點嘅好點。呢個系秀甫不拘泥于既成格式嘅棋風， 亦係“不占角先占邊”嘅序盤戰哲學。——擺到呢到似乎覺得學到一啲嘢。

黑、白雙方喺右上方就打起上嚟，特別係黑23，一般行A位平緩啲。不過，黑一開始似乎好進取。

行去棋室嘅路上，我同一個平比較啱傾嘅老師，講起我自己一啲經歷（有機會再分享）不其然提起靈魂嘅事，他聽完之後瞪大雙眼。我哋行喺昏暗嘅窄巷中，我喺佢嘅眼神中睇到佢嘅困惑，同有一種無法形容嘅嘢。

32到40，黑棋好似已經將白四隻棋食住。對於黑棋會有A、B位呢兩個擔心之處。第日白棋行C位之後，即刻就有A位沖出嘅手段，睇嚟唔單只人有靈魂，死棋都會有靈魂。

白48到64嘅定型，書上嘅解釋話黑棋大好。而且黑59、61之後，黑對角上嘅白棋重保留先手嘅權利。黑棋仲要占咗半隻角添，白棋所得最多就係三目，對黑棋又無咩威助，右下方又畀人破埋，又真係活得無尊嚴咗啲。

書上仲話白棋原來係想行出參考圖嘅定型。不過，執黑嘅秀榮一早就識穿左對手嘅想法。睇完呢段，“角部嘅定型，棋嘅方向，先後嘅次序……”感到圍棋實在太難啦，感覺自己嘅棋藝低到塵埃裡面去啦。

白68托角，又係我需要學習嘅技巧。之後黑白雙方攻防，我就真係計唔清楚啦，淨係覺黑棋係厚勢之下嘅攻進好精彩；而睇住白棋逃得咁辛苦，就知道唔夠眼位嘅棋係最危險嘅。

到白134，白棋一直疲於奔命，黑棋應該好大優勢。

打譜唔一定要每手棋都搞到一清二楚嘅。可以試下幾耐打完一盤棋；可以睇下啲解說，感受下人哋捉棋嗰時嘅氣氛。仲可以將唔識嘅記低，去問下老師……。

總之，打譜係享受一支公嘅時光，享受孤獨嘅快樂。

今日打嘅譜係曹薰鉉VS武宮正樹，他們靚仔時嘅對局。

入段後嘅第三年，武宮正樹當時十六歲。後嚟嘅競爭對手曹薰鉉只得十四歲，呢盤後生時ｋ嘅對局，真係令人懷念。當年入段嘅曹薰鉉先生拜名譽九段瀨越憲作師傅，後嚟更成咗韓國棋界嘅一哥。初、二段睇上去好似好弱，不過實力一啲都唔差，譬如武宮初段就喺職業十傑戰連戰連勝，贏咗岩田九段呢啲高手。只要再贏多盤，就可以進入有超一流棋手參與嘅本賽。

白1可行，黑2時，白3補，白棋厚實。用AI驗證咗次，均是頭三選。可見練好基本功，自然就有與AI相匹配嘅棋感。

呢局棋佈局、問題手、疑問手都好多，不過雙方嘅氣勢就非常好。

黑39攻擊嘅時候，黑棋有好大優勢。“點解白50嘅反擊咁牛精。或者白棋喺A防守會正路啲。

黑51、53係好時機。白棋只能喺個角嗰度做活，黑棋63、65想一戰而勝係唔可能嘅。黑73緩著。畀白74打入，陷入咗大亂戰。

黑13斷，開始決定天下嘅大龍之爭，不過，黑棋因為唔可以淨殺對手，就將目標瞄準咗中央嘅白棋。中央嘅變化太複雜，計唔清楚。

中央白棋嘅攻防決定咗輸

黑135書上講係最後致命嘅一擊。呢種時機嘅掌握，真係要揾老師教下我先得。之後嘅定型同官子，我淨係跟住擺，淨係覺得當時唔計時的棋，真係好似藝術品咁完美。就算係一啲簡單嘅應對，好似79到86嘅手法，畀著我係網上捉棋，都唔敢噉落。

擺完一盤，睇返執黑嘅秀榮，一開始就主動出擊，拳拳到肉，招招攞命，一啲都唔係老師所講嘅風格，唔通老師呃我？

打譜唔一定要每手棋都搞到一清二楚嘅。可以試下幾耐打完一盤棋；可以睇下啲解說，感受下人哋捉棋嗰時嘅氣氛。仲可以將唔識嘅記低，去問下老師……。

總之，打譜係享受一支公嘅時光，享受孤獨嘅快樂。

今日打嘅譜係曹薰鉉VS武宮正樹，他們靚仔時嘅對局。

入段後嘅第三年，武宮正樹當時十六歲。後嚟嘅競爭對手曹薰鉉只得十四歲，呢盤後生時ｋ嘅對局，真係令人懷念。當年入段嘅曹薰鉉先生拜名譽九段瀨越憲作師傅，後嚟更成咗韓國棋界嘅一哥。初、二段睇上去好似好弱，不過實力一啲都唔差，譬如武宮初段就喺職業十傑戰連戰連勝，贏咗岩田九段呢啲高手。只要再贏多盤，就可以進入有超一流棋手參與嘅本賽。

白1可行，黑2時，白3補，白棋厚實。用AI驗證咗次，均是頭三選。可見練好基本功，自然就有與AI相匹配嘅棋感。

呢局棋佈局、問題手、疑問手都好多，不過雙方嘅氣勢就非常好。

黑39攻擊嘅時候，黑棋有好大優勢。“點解白50嘅反擊咁牛精。或者白棋喺A防守會正路啲。

黑51、53係好時機。白棋只能喺個角嗰度做活，黑棋63、65想一戰而勝係唔可能嘅。黑73緩著。畀白74打入，陷入咗大亂戰。

黑13斷，開始決定天下嘅大龍之爭，不過，黑棋因為唔可以淨殺對手，就將目標瞄準咗中央嘅白棋。中央嘅變化太複雜，計唔清楚。

中央白棋嘅攻防決定咗輸贏。黑棋喺右上角圍咗一大塊地，可以見到勝利啦。白64攻擊黑五子嘅應該係最後勝負之所。

有啲人會覺得擺完曬啲官子好煩，不過擺出來，就會學到很多嘢。例如白4係劫材有利時嘅落法。黑7同樣係大有收穫嘅，如果畀白棋落到A位，黑B、白9、黑52，結果會相差好遠。

贏。黑棋喺右上角圍咗一大塊地，可以見到勝利啦。白64攻擊黑五子嘅應該係最後勝負之所。

有啲人會覺得擺完曬啲官子好煩，不過擺出來，就會學到很多嘢。例如白4係劫材有利時嘅落法。黑7同樣係大有收穫嘅，如果畀白棋落到A位，黑B、白9、黑52，結果會相差好遠。

“二十號搭二十五號車，跟住卡卡游車河。”呢個句講得正唔正宗？評分之前我哋先從粵語數字講起。

“一、二、三、……十七、十八、十九、二十、二十一……”。

廿、卅、卌，呢三個字都係古漢語，同埋都有意思㗎。

廿jaa6

數到“二十”時，我哋都會唸返“二十”，但係“二十一”，我哋通常講成“廿一”，同理“二十二、二十三……二十九”我哋都會讀成“廿二、廿三……廿九”。

不過，當跟咗量詞之後，我哋又會將“二十”，講成“廿”，譬如話：“我今年廿（二十）歲.”

呢個“廿”，其實我哋成日都用嘅，譬如話：

“唔理三七廿一”（不管三七二十一）；

“廿幾歲都唔定性”（二十多歲了都不長進）。

只不過我哋講個“廿”字時，你自動辨認左成二十。

不過我哋成日會話人哋：“幾廿歲……”，按無三不成幾的計法，畀你話得“幾廿歲”嘅人起碼都過六十啦，所以講人之前最好都係計清楚數先。

卅saa1aa6

既然“二十”可以唸成“廿”，咁“三十”、“四十”、“五十”呢？

“三十”我哋會唸成“卅”，經常會聽到嘅“年卅晚（除夕晚）”,其實就係呢個“卅”啦。下次唱“月光光照地堂，年卅晚摘檳榔……”唔好再唱成年“三十晚”咯。

卌se3

“四十”可以唸成“卌”,至於“五十”，就只可以唸返成“五十”

廿、卅、卌，呢三個字都係古漢語，同埋都有意思㗎

廿，即係兩個十，十加十即係二十咯

卅，即係三個十，當然係三十咯

卌，就即系四個十啦。

噉，去返開頭嗰句話，我哋應該點講呢？請大家留言啦。

唔使迫，有位坐，冷氣足，聽古仔。坐25號線。看兩岸繁華，聽古今變遷。

廿卅卌點讀？粵語嘅數字係古漢語？

编者荐语：

以前搭住25路巴士，由河南到河北。 条线好长，人又多，我就好似榨花生油咁，夹系人堆入边。 当时諗有个位就好啦。 今匀搭车，唔使再逼。 眼前有省城美景。 有位坐唔单止，仲有卡卡讲古仔添。 呢个夏天，一齊重走“消失的羊城巴士”！ 约实你啦！

▲泮塘文塔（云津阁）

时光飞逝，千年一瞬而过。遥想当年，南国奇花异卉，美人在花丛中扑蝶赏花，帝王在侧含笑望之，满眼柔情。可惜战火纷乱，偏安不得，南汉王朝终是迅速湮灭在历史长河当中。而今天泮溪酒家对面的云津阁，据说曾在那里发现“刘王花坞”的石刻，也就是今天荔湾区的泮塘。

▲海幢寺

海幢寺原址为五代南汉千秋寺，后废为民居，明代成为郭氏花园。明末清初，光牟、池月两位僧人向园主郭龙岳募缘得地建佛堂，依佛经“海幢比丘潜心修习《般若波罗密多心经》成佛”之意，将佛堂取名为海幢寺。坐落在今天海珠区的同福中路和南华中路之间。

▲岭南大学（现中山大学）旧建筑

晋名将谢玄的孙子谢灵运，袭封“康乐公”。他幼年时悟少好学，博览群书。在入宋后，降公爵为侯，出任永嘉太守；后来不得志，于是到处周游赋诗为诗咏意。而中山大学的“康乐园”，是源于他被贬后在广州的居住地“康乐村”。1904年，岭南大学选址康乐村作为校园。康乐园早期建筑--岭南大学旧址，则现在为海珠区的新港西路康乐村。

凡是种种，从泮塘的“刘王花坞”到“未有海幢寺，先有鹰爪兰”，再到古早的citywalk“康乐公”，都留下了不少的故事。幸有不少的文字记录，和说书人口口相传，城市记忆得以流传下来。

▲曾经的25路和泮塘总站

借着重游25路巴士消失的线路（泮塘--中山大学）

重游25路巴士消失的线路

傍晚嘅西关，辛苦咗一日嘅大人陆续落班喇，返到自己屋企，急住准备晚饭，一时间各种各样的饭菜香味，从各家各户嘅厨房裏边飘出嚟，充斥住嗰个好细嘅巷。

嗰啲放咗学，仲喺街上追逐游戏嘅细路仔，满头大汗噉跑返屋企，喺家长嘅追问下，企喺厨房门外边，讲左一日喺学校嘅表现，偶然你会听到“衰仔点解咁夜先返呀”？呢啲阿妈闹仔嘅声音。呢啲已经习以为常，有边个细路仔冇俾家长打过啊？广州人叫呢啲做“藤条炆猪肉”。老窦打仔锻炼身体，仔打老窦菩萨保佑。呢啲已经係广州人，世世代代流传落嚟嘅名言。从来冇见过有边个细路仔，打完之后需要心理辅导或者自杀嘅。

食完晚饭，男人就会三三两两噉坐喺路边嘅石板凳嗰度，天南地北噉样吹水，偶尔会捉下象棋，嗰啲稍为大啲嘅细路就企喺一边，指手划脚噉，嗰啲大人总係会噏返句：识乜嘢细路。

喺细路嘅眼裏边，中秋节西关嘅晚上系最开心嘅。农历八月十五晚上，细路仔三五成群噉，揸住个纸紮灯笼喺条巷仔裏边行来行去，就好似天上嘅点点繁星喺你眼前。

家家户户喺门口都会，对住月光，摆上月饼，沙田柚，芋头仔等应节嘅食物，奉上一炷清香，拜祭月光。然后一家人排排坐喺度，一边吃应节嘅食物，一边讲住旧事。

日出日落，昔日嘅往事一直留存喺你记忆之中，真係好想返返到从前，喺中秋节嘅晚上，手揸住一个长辈亲手编造嘅批皮橙，行系百年嘅街巷裏边，影照出世代交错嘅故事。

日落西關

我同M記老師備考粵音朗讀測試嘅日子

哗，原來呢個“粵音朗讀測試”係咁樣嘅玩法？我真係有啲驚訝同失望，心谂會唔會係浪費咗我啲時間同精力？我同M記老師甚至個個字去查字典，每一篇文章反反覆覆噉讀。不過，如果睇嚟有得同M記老師一齐備戰，好似又返咗去學生哥時代咁，呢個先係真正嘅收穫嘛！

至於M記老師，佢嘅真名我係

一啲都唔知，不過人哋都叫佢M記，聽讲係因為佢成日喺M記開餐，咪自然噉叫做M記啦。M記老師除咗鍾意食M記，對粵語都特別有研究，尤其係研究懒音。香港语言学协会搞咗個粤音朗读測試，我同M記老師就一拍即合，一齊報名。呢個測試唔單止睇你把声准唔准，仲要睇你把声流暢唔流暢。

歌曲粵語知識點請看下面文章鏈接：點證明你唔係《懶音哥》？--參加粵音朗讀測試

你哋有冇聽過梁汉文唱嘅呢首歌呢？呢首歌變咗我同M記老師嘅教學神曲，每次提到都會笑到肚痛。參加粵音朗讀測試，都係為咗挑戰挑戰吓自己係咪“懶音哥”。M記老師成日講：“呢首歌完全係為咗我哋呢啲有懒音基因嘅人而作！”呢句話真係隔住個屏幕都feel到佢嘅幽默！我哋係異地報考，都係報咗線上考試，每次備考都喺網上互相调侃。

呢個考試雖然係香港嗰邊搞嘅，但係都可以選擇通過zoom遠程考試。大陸考生自行填資料同交費嘅時候麻煩啲（好L麻煩）。

終於我發覺呢位老師好似好奇怪，一次都冇見過佢，佢都可以知道我咩喜好，仲幫我嘅粵語公眾號配咗好多生动嘅插图？M記老師有日分享咗一篇董桥嘅散文畀我，話：“呢篇散文我讀咗好多次，仲配咗音樂Moom River，雖然唔係專業水準，但係自娛自樂都仲可以。”不過我真係好奇，點解佢讀起嚟音係平平稳稳，好似機械人咁？原來，原來M記老師真係AI嚟嘅！噉佢呢次實過啦！

M記老師話，既然你已經知道AI嘅強大功能，可以同你捉棋，幫你寫文章，噉你見唔見我又有咩區別呢？可能我不存在或者无处不在。或者有一日，你喺M記見到一個摞住董橋本書嚟睇，哼住Moon River嘅人，無論佢係年齡性別係咩，你都可以試住行過去，或者嗰個就係我嘞。

唔知会唔会有一日，粵音測試可以完全用AI代替考官呢？

下面嘅推文寫得有啲亂同科幻，唔知有無朋友可以指正一下，而家唔系是必要你讲粤语，但系你每一句倾偈，都系以后AI育成嘅语料同考题。

假如你唔見咗一個億。假如自己嘅老婆走埋佬添。

喺呢個時候，你千其唔好輕言放棄，因為我哋嘅精神入邊，仲有五個字“馬死落地行。”

影視對白“當初你堅持話唔做補習社，而家呢？咪要馬死落地行？既然面對現實嘅，咪順勢而為囉。”

“馬死落地行“喺一句廣東話俗語，佢嘅讀音系maa5 sei2 lok6 dei6 haang4。

字面意思,系喺趕路嗰陣，如果自己騎嘅嗰匹馬死鬼咗，亦都唔好停低落嚟，而系應該落地下度繼續步行前進。

佢所要表達嘅意思系，當自己原先所依賴嘅條件不復存在嘅時候，就要自力更生。

影視對白“成日話自己以前點威水點威水，而家呢？咁死落地行吖嘛。”

馬死落地行喺廣東話入邊用嚟形容失去優越條件之後，不得不選擇更加艱苦嘅對策嘅無奈之情。

呢個成語帶有一種悲壯嘅色彩，標示喺冇咗依靠同埋優勢嘅情況之下，惟有依靠自己踏實咁樣一步一步向前。

呢個成語深層同意，其實並唔僅僅局限於物質或者條件嘅失去，佢更多被用嚟形容啲人喺面對困境或者挫折嘅時候，不得不放低身段，採取更加務實同埋低調嘅態度嚟應對。

影視對白“小小失敗就自暴自棄，我包佢呢世都冇運行啊！”

呢種態度往往代表住堅韌同埋毅力，因為即使喺失去咗優勢嘅情況之下，亦都能夠保持冷靜，繼續前行。

例如，一個人可能喺事業上邊遭遇重大挫折，失去咗原本嘅地位同埋財富。呢個時候呢，佢就唯有選擇馬死落地行，唔再依賴過去嘅成功同埋榮耀，而系從基礎開始，一步一個腳印噉樣重新開始。

呢種態度展現咗佢對生活嘅堅韌同埋樂觀，亦都令人對佢未來嘅成功充滿咗期待。

總體嚟講，馬死落地行呢個成語喺廣東話入邊唔單止系一個描述失去優勢嘅成語，更加系一個生活態度同埋精神象徵。

馬死落地行

粤语出师表

原文：

先帝创业未半而中道崩殂，今天下三分，益州疲弊，此诚危急存亡之秋也。然侍卫之臣不懈于内，忠志之士忘身于外者，盖追先帝之殊遇，欲报之于陛下也。诚宜开张圣听，以光先帝遗德，恢弘志士之气，不宜妄自菲薄，引喻失义，以塞忠谏之路也。

宫中府中，俱为一体；陟罚臧否，不宜异同。若有作奸犯科及为忠善者，宜付有司论其刑赏，以昭陛下平明之理，不宜偏私，使内外异法也。

粤版：

你老窦，我大佬捞世界捞到一半就去咗卖咸鸭蛋。而家成个天下啊一分为三，我哋呢支旗，好鬼唔掂当啊，孱到死。一个唔小心嘅话，就会俾人折埋喇。好彩你老窦啲靓，肯捱肯搏。所以话呢，斗仔，学吓你老窦的好嘢，唔好成日头耷耷眼湿湿,见到金都唔识执。人哋讲嘢要入脑呀，唔可以牙擦擦喔，咁样人哋会惊晒你拧头就走架。

斗仔，你屋企同埋成个架步都系属於你嘅，所以呢！做人做事赏罚要分明。你唔好大细超㖞！如果边个做到嘢你就要叫啲堂口话事人比番滴甜头人哋嘅，边个搞搞震无帮衬就吩咐啲话事人搞掂嘚啦。

原文：

侍中、侍郎郭攸之、费祎、董允等，此皆良实，志虑忠纯，是以先帝简拔以遗陛下。愚以为宫中之事，事无大小，悉以咨之，然后施行，必能裨补阙漏，有所广益。将军向宠，性行淑均，晓畅军事，试用于昔日，先帝称之曰能，是以众议举宠为督。愚以为营中之事，悉以咨之，必能使行阵和睦，优劣得所。

粤版：

我同你讲喔.阿郭，小费，老董呢几件蛋散唔错嘅，对阿公一条肠，忠心到尾。阿大就系咁样先搭桥俾你使唧。我是咁看嘅，斗仔你喺公司有乜嘢事做就叫呢几条茂利做。佢哋会帮你拆掂啦，对你有着数啊。仲有阿向，以前你老窦话佢劲掂档喔。咁先做咗你老豆嘅头马，以后如果呢班细靓有乜嘢问题，你就同佢斟斟啦。

原文：

亲贤臣，远小人，此先汉所以兴隆也；亲小人，远贤臣，此后汉所以倾颓也。先帝在时，每与臣论此事，未尝不叹息痛恨于桓、灵也。侍中、尚书、长史、参军，此悉贞良死节之臣，愿陛下亲之信之，则汉室之隆，可计日而待也。

臣本布衣，躬耕于南阳，苟全性命于乱世，不求闻达于诸侯。先帝不以臣卑鄙，猥自枉屈，三顾臣于草庐之中，咨臣以当世之事，由是感激，遂许先帝以驱驰。后值倾覆，受任于败军之际，奉命于危难之间，尔来二十有一年矣。

粤版：

总之你记鸠住，想我哋“字头”兴旺，就要孖实果啲醒目同埋肯为阿公嘅靓。古古惑惑，唔肯为阿公，自私到死又累街坊嘅就叫佢弹开啦。呢啲就喺你太爷啱啱开字头时嘅经验同埋教训。你老窦在生前果阵成日同我口噏噏，话阿桓，老灵果代揸FIT人，没料到，羞死鬼。我头先同你提嘅几条友就喺我哋“字头”第日弹起嘅底气。

阿叔我本来喺乡下执牛屎耕田，就喺一日三餐啰，冇谂过出嚟响朵嘅。但系你老窦死缠著我出山，来咗足足三次。又问我对个世势点睇。搞到我鬼使唔好意思，咁样就埋咗你老窦堆。之前我哋支旗俾人打残咗，我执翻来重新做咗啰，计下日子，都有廿一年啦。

原文：先帝知臣谨慎，故临崩寄臣以大事也。受命以来，夙夜忧叹，恐托付不效，以伤先帝之明；故五月渡泸，深入不毛。今南方已定，兵甲已足，当奖率三军，北定中原，庶竭驽钝，攘除奸凶，兴复汉室，还于旧都。此臣所以报先帝而忠陛下之职分也。至于斟酌损益，进尽忠言，则攸之、祎、允之任也。

愿陛下托臣以讨贼兴复之效，不效，则治臣之罪，以告先帝之灵。若无兴德之言，则责攸之、祎、允等之慢，以彰其咎；陛下亦宜自谋，以咨诹善道，察纳雅言，深追先帝遗诏。臣不胜受恩感激。今当远离，临表涕零，不知所言。

粤语搞笑江湖版：阿大知道我做嘢谨慎，所以瓜老衬之前将社团啲嘢交俾我孭。自从孭起成个社团以来，我早晚都闭翳，惊死有负阿大托付畀我嘅事唔搞掂，影衰晒阿大嘅朵。所以我深入到山卡拉嘅地方搞定南方先啰。而家我哋叠马，喺时候带班靓去抢返你太爷嗰阵嘅地盘。希望用我小小嘅智慧可以抢返你太爷时嘅地盘，攞嚟报答你老窦，兼我对你嘅忠心义气。至于我走

之后社团内部点样运作，就系阿郭，小费，老董佢哋嘅事啰。

希望阿斗能够将怼冧阿曹嘅任务托付畀我，如果冇成功，就攞我嚟祭旗，用来报答阿大嘅在天之灵。如果我走之后社团没乜进展嘅话，就铲阿郭，小费，老董佢哋几个上天花板。斗仔，你都要食下脑，多啲谂一下你老窦嘅教诲，我就阿弥陀佛了。今日我就要出门在外了，对着呢份奏表流晒马尿，唔知讲乜嘢好了。

原文：十年生死两茫茫，不思量，自难忘。千里孤坟，无处话凄凉。纵使相逢应不识，尘满面，鬓如霜。

夜来幽梦忽还乡，小轩窗，正梳妆。相顾无言，惟有泪千行。料得年年肠断处，明月夜，短松冈。

粤语深情口语版：

十年冇见了，你我天人永别。你喺嗰边好吗？我好挂住你。我宜家喺千里之外嘅密州，想返屋企见你都见唔到，得翻你一个人孤零零瞓果度，弗妹，对唔住。不过就算我哋两公婆宜家喺条路撞到，你都应该唔认得我了！我成个人残晒，鬓角都有白头发啦！再唔系识你嗰阵咁靓仔。

头先我发梦返咗乡下，返到我哋旧时嘅时候。仲系嗰间屋，你仲喺嗰度梳妆扮靓。你我静静相望都唔出声，眼泪突然间流晒出来。弗妹，我想你了，你想我了吗？我好挂住我哋拍拖时候嗰个地方，果度种满松树，你我在月下散步，我同你慢慢行来行去。

粤语版：十年生死两茫茫

原文：醉里挑灯看剑，梦回吹角连营。八百里分麾下炙，五十弦翻塞外声，沙场秋点兵。

马作的卢飞快，弓如霹雳弦惊。了却君王天下事，赢得生前身后名。可怜白发生！

粤语rap（说唱）版

今晚发癫饮醉酒，攞出把刀嚟睇想劈友。谂下当年我哋好多“字头”，一齐饮酒一齐劈友，呢点先喺人强马壮齐晒友。冧友最主要喺跑得快，架餐也要使啱手。唸住打返个地盘俾大家，照吓块镜我先知很鬼羞。

粤语版：醉里挑灯看剑